Este outono enchemos os nosos corredores de outono e elaboramos, entre todas as etapas, un refraneiro popular desta estación. No noso recuncho podedes atopar todo tipo de froitos e follas outonais. Canto da de si o refraneiro!  

Para a celebración deste día tan especial, partindo dunha chuvia de ideas, o alumnado elaborou carteis con todas esas cousas tan positivas que os libros e a lectura  nos aportan. Cantas atoparon! Aquí vos deixamos unha mostra!    

 

Este curso, o lema das bibliotecas escolares de Galicia    ESCRIBIR A BIBLIOTECA ESCOLAR  , quere poñer o foco en todas as formas de escrita. A escrita como medio de comunicación, expresión, creación, información e coñecemento.

Hoxe visitamos "Radio Voz". Desde que temos a radio escolar no noso centro, tiñamos curiosidade por realizar esta visita e ver como se prepara e como se emite un programa diario. Isidoro Valerio, o seu presentador, explicounos todo o proceso de elaboración e resolveu todas as nosas dúbidas. ¡Foi interesantísimo e proveitoso adentrarnos no mundo da radio!

 

En conmemoración do nacemento de Rosalía de Castro o 24 de febreiro, os alumnos do colexio, homenaxeárona con diferentes actividades e recitado de poesías.

Esta semana visitounos Ana Alonso, autora dos libros: "Los tres peregrinos" e "El diario de Cristina" que están a ler os alumnos de 5º e 6º de Educación primaria.  Foi un pracer desfrutar da súa presenza.